Laura in de media

Laura’s gedichskes zeen ouch in de media neet ónopgemerk gebleve.

PROJEK WEESGEDICHTE TIEJES DE WAEK VAN DE POËZIE

Van 25 januari t/m 31 januari 2024 vónj de Waek van de Poëzie plaats. In ‘t kader daovan reep Bibliotheek de Domijnen dichters op óm zich te melje en aan ‘t project ‘Weesgedichten’ mit te doon. Laura zónj ‘n aantal gedichskes in en die waerdje vervolges aan ‘t publiek ter adoptie aangebaoje. De gedichskes kwome versprèdj door de ganse provincie op hieël bezunjere plaatse terech:

Zörgcentrum de Eghte adopteerde ’t gedich ‘Ich vènj dich zoa bezunjer’. De inhoud van de teks is natuurlik ’n sjoane boadsjap veur de minse die wone in de Eghte, maar ouch veur de minse die d’r wèrke of vriewilligerswerk doon!

Op ’t gemeintehoes van Ech woor ouch ’n gedich te zeen. Gekaoze waerdje veur ‘Kiek óm nao anger minse’. Door de inhoud van dit gedich op dit symbolische geboew te kènne laeze, kömp de teks nog mieë toet zien rech!

Laura is en blif ’n Slekkermaedje, maar ’t woont en wèrkt inmiddels in Mestreech. Ouch dao valle häör gedichskes in de smaak. Café Forum adopteerdje ‘Vier ’t laeve’, want det kèns se natuurlik super good doon in ’n gezellige kefee!

En ouch in Urmunj kwoom ein van Laura’s gedichskes terech. Doordet alle gedichskes op rame waerdje aangebrach, waerdje ouch dees teks letterlik door ’t zonleech ‘ne spegel en det zörgdje bie mènnige mins veur ‘ne lach.

DE LIMBURGER

Dónderdig 29 juli 2023 puliceerde De Limburger ein van Laura’s gedichskes op de Limburgs Accent pagina in het Leef-katern. Laura koos veur ’n gedichske euver ’t waardere van de kleine dènger in ’t laeve.

SOL2

In februari 2022 woor Laura te gas in ’t programma IN BEELD geprissenteerd door Will Schmitz, wèrkzaam bie SOL2. In de studio, gelaege in Laura’s aoj middelbare sjoal, sprook Laura euver häöre ieëste dichbunjel getiteld ‘Vanmichveurdich’. Ouch droog ‘t ’n aantal gedichskes veur en vertèlde ’t wie en woróm ’t mit ’t sjrieve van Limburgse gedichskes is begós.

Kort daonao óntsjtóng ‘t idee óm ‘n aantal video’s mit Laura op te numme. ‘t Programma iNBeeld waerde vervólges ‘n seizoen lank edere waek mit ‘n anger gedichske van Laura aafgeslaote.

Begin 2023 woor Laura opnuuj te gas in ‘n aaflevering van iNBeeld, dit kieër geprissenteerd door Thom Smeets. ‘t Droog gedichskes oet häöre twieëde dichbunjel ‘Höb ‘t laeve leef’ veur en kóndigde häör laezing tiejes de Nationale Bokewaek bie Bookhanjel Krings aan.

Wiltjger de oetzendinge wo-in Laura te gas is gewaes gaer trök zeen? Gaont den nao de website van SOL2, klik op TV-Gids en daonao op trökkieke. Ger kómt den vanzelf in ‘t iNBeeld Archief terech.

OR6

Op 21 februari 2022 waerde ‘De internationele dag van de moedertaal’ gevierd. Reje veur OR6 óm Laura op zóndig 20 februari te gas te vraoge in ’t televisieprogramma ‘Wo höbbe veer ’t euver’, geprissenteerd door Chris Trines.

Kort daonao kreeg Laura häör eige rubriek ‘T VAN MICH VEUR DICH GEDICH’ in ‘t radioprogramma ‘Kump good – dien aafspraok mit de Limburgse meziek’. De loesterieërs waerde vanaaf det moment edere waek op ‘n gedichske van Laura getrakteerd.

Begin 2023 woor Laura opnuuj te gas in ‘Wo höbbe veer ‘t euver’ óm euver häör twieëde dichbunjel te vertèlle. En kort daonao noom ‘t same mit Chris ‘n speciale Valentijnsoetzending veur ‘t programma Kump Good op. De aafgesjtömde combinatie van gedichskes en meziek veel bie de loesterieërs dusdanig in de smaak, det Laura en Chris hun mit moderdaag en vaderdaag nog ‘ne kieër op ‘n speciale oetzending trakteerde.

L1 RADIO – ROUTE REGIO MIT RUUD KLEINEN

In de aanloup nao Laura’s ieëste lezing in Laeswinkel De Domijnen in Ech, die ter inleijing van de Nationale Bokewaek 2022 plaatsvónj, waerdje Laura door Ruud Kleinen van L1 radio gecóntacteerd. In ’n spontaan interview sprook Laura mit Ruud euver häör dankbaarheid veur de positieve respons op häör gedichte én euver ’t thema van de bokewaek: de Leefde. ‘t Interview is trök te loestere via de website van L1:Route Regio: Van mich veur dich, van Laura oet Slek – L1

L1 RADIO – PLATEWEG MIT HENK HOVER

In jannewarie 2023 waerdje Laura geïnterviewd door Judith Kuijpers van L1 veur ‘t programma ‘Plateweg’ van Henk Hover.

Laura vertèldje euver häör passie veur ’t sjrieve en ’t Limburgs. Ouch loos ‘t ’n aantal gedischkes veur en waerdje ein van häör lievelingsleedjes veur häör gedreijd: Geneet van ’t laeve van Sjef Diedere.

’t Interview is via deze link te beloestere: Laura Theunissen over haar dichtbundel ‘Höb ’t laeve leef’ – L1

INTERVIEW IN DE LIMBURGER

In november 2022 waerde Laura geïnterviewd door Maurice van der Linden, dit in ‘t kader van ‘n speciale rubriek in De Limburger, die aandach guf aan startende óngernummers. Laura keek trök op de waeg dae ‘t toet det moment haw aafgelag en vertèldje woróm ‘t zoa geneet van ‘t ‘t sjrieve en veurdrage van häör gedichskes. ‘t Artikel laest ger via deze link:

Starter in Limburg: Laura Theunissen (Van mich veur dich) – De Limburger Mobile

RADIOPROGRAMMA PARTIMENTO MIT PETER HOFLAND

In april 2023 woor Laura te gas bie Peter Hofland in ‘t programma Partimento. In dit culturele programma móch Laura häör gedichte veurdrage én de playlist veur de radio-oetzending samestèlle. Ónger ‘t genot van Engelstalige, Duitstalige én Limburgstalige meziek vertèldje Laura de loesterieërs mieë euver zichzelf en ‘t óntstaon van häör gedichskes.

MUSEUM VAN DE VROUW ECH

Op 21 september 2021 zoog Laura ‘ne oproop van het Museum van de Vrouw in Ech. M’n woor op zeuk nao foto’s en anger materiale veur ’n tentoonstelling getiteld ‘GRUUETS’, mit ’t idee óm ’n ode aan ’t smaalste stökske van Nederlandj te brènge. Laura twiefelde gein moment en stuurdje óngerstaond gedich in. ’t Kreeg ’n prominente plek in de expositie en Laura goof tiejes ‘t Echt Smal Festival 2022 mit väöl plezeer ‘ne workshop gedichte sjrieve in ‘t museum.

COLUMN ROGIER KNIPSCHEER VAN KOOPS BOEKEN VENLO

Es Slekkermaedje sjrif Laura veural in ’t Echter dialect. De oplèttende laezer zal evenal ouch Zösterse, Remunjse en Mestreechse invloede in häör gedichskes trök vènje. En ónger ’t móm van waat d’n Duitser dichterische Freiheit numtj, lieënt ‘t hie en dao ouch waal èns ’n woard oet ’n anger dialect. D’r is neet ein Limburgse taal of taol, wie sommige zègke, maar eder streek haef juus ziene eige variant. D’n eine zuut det es get problematisch, d’n angere numtj ’t riekdom. Laura: “In mien uig höbbe v’r allemaol geit eiges, maar waere v’r óngerling waal same door get hieël sjoans verbónje.”
Es Echter maedje ’n beukske in ‘ne bokewinkel in Venlo wille verkoupe, lik mesjien neet metein veur de handj. Maar wie groat of klein de versjille tösse de óngerlinge dialecte ouch zeen: V’r verstaon ós (mit ’n bietje meuite) allemaol óngerein.

Rogier Knipscheer van bookhanjel Koops Boeken sjreef hie op 17 mieërt 2022 deze prachtige column euver: