Beschrijving
‘Höb ’t laeve leef’ (2022)
‘Van mich veur dich’: ónger det motto stuurt Slekkermaedje Laura Theunissen sinds mei 2020 häör eenvoudige doch wieze gedichskes de waereld in. In häöre nuujste dichbunjel spaort ’t luuj aan óm hun laeve, zichzelf, hun ómgaeving/angere én natuurlik ouch ’t Limburgs leef te höbbe. ” ’t Is de taal wo-in ich dènk, druim en leefhöb. ’t Is miene oarspróng en ónlosmakelik verbónje mit waem ich bön”. Door aope euver häör gedachtes, geveules én druime te sjrieve, verbènjt Laura zich mit de luuj óm häör haer, ouch boete Limburg. In opnuuj ruum 140 zelfgesjreve gedichskes geuf ’t häör laezers gaer de volgende boadsjap mit: “Leef luuj, geneet, lach, jank, euverdènk, druim, inspireer en baovenal: Höb ’t laeve leef!”
